Toqaev: Eńbek daýlaryn kóshede, alańda emes, kelissóz ústeliniń basynda sheshý – jalǵyz jol
«Mańǵystaýda eńbek daýlary jıi bolyp jatatyny jasyryn emes. Men bul jaǵdaıdan tolyq habardarmyn. Eńbek daýlary qatań túrde zań aıasynda sheshilýge tıis. Osy mańyzdy jumysqa táýelsiz kásipodaqtar belsene atsalysýy qajet. Óńirde bul sala barynsha qarqyndy damyp keledi. Óte durys, men muny qoldaımyn. Myqty azamattyq qoǵam qalyptastyra alsaq, budan eshkim utylmaıtyny anyq. Adam quqyǵyn, onyń ishinde eńbek adamynyń quqyǵyn qorǵaý árdaıym basty nazarda bolýǵa tıis. Eńbek daýlaryn kóshede, alańda emes, kelissóz ústeliniń basynda sheshý – jalǵyz ǵana jol. Mańǵystaýda osyndaı jaǵdaılar syndarly dıalog arqyly sheshile bastaǵany quptarlyq jaıt. Jalpy, eńbek daýlary – jumys berýshi men jumysshynyń arasyndaǵy másele. Ony taraptardyń múmkindigin jáne múddesin muqııat eskere otyryp, ortaq mámile arqyly sheshý – negizgi mindet», - dep atap ótti Prezıdent.
Qasym-Jomart Toqaevtyń aıtýynsha, o sy oraıda, taǵy bir mańyzdy másele – eńbek qaýipsizdigi.
«Ótken aptada Qaraǵandy oblysyndaǵy shahtada jarylys bolyp, 5 adam qaza tapty. Birneshe adam jaralandy. M en marqumdardyń jaqyndaryna kóńil aıtamyn. Olardyń otbasylaryna tıisti kómek kórsetý týraly tapsyrma berdim. Jaraqat alǵan azamattardyń tezirek saýyǵyp ketýin tileımin», - dedi Memleket basshysy.
