Toqaev: Eń basty mindetimiz – memlekettiligimizdi saqtap qalý

TARAZ. QazAqparat – Eń basty mindetimiz – memlekettiligimizdi saqtap qalý. Bul týraly búgin Tarazda jazýshy Sherhan Murtazanyń eskertkishine gúl shoǵyn qoıý rásiminen keıin zııaly qaýym ókilderimen áńgimelesý kezinde Memleket basshysy Qasym-Jomart Toqaev aıtty, dep habarlaıdy QazAqparat Aqordaǵa silteme jasap.

Prezıdent elimiz damyp, órkendeýi úshin aldaǵy saıası naýqandar kezinde de, eń aldymen, aýyzbirshilik qajet ekenine nazar aýdardy.

«Eń basty másele – ádil, ashyq bolý kerek. Osyndaı laıyqty adamdar bizdiń Parlamentke kelse, elimizdiń damýyna úles qosady dep úmittenemin. Dúnıejúzinde bolyp jatqan jaǵdaıdy ózderińiz jaqsy bilesizder. Іshki saıasat ta, syrtqy saıasat ta syndarly, salmaqty bolýy kerek. Eń basty mindetimiz – memlekettiligimizdi saqtap qalý. Syn-qaterler az emes. Sondyqtan bárimiz bir el, bir halyq, bir ult bolyp uıysyp, el úshin qyzmet eteıik», – dedi Q.Toqaev.

Eske salaıyq, búgin Memleket basshysy Jambyl oblysyna jumys saparymen keldi.

Foto: akorda.kz