Toqaev Emomalı Rahmondy Tájikstan táýelsizdiginiń 35 jyldyǵymen quttyqtady
ASTANA. KAZINFORM — Memleket basshysy Tájikstan prezıdentine quttyqtaý jedelhatyn joldady, dep habarlaıdy Aqordanyń baspasóz qyzmeti.
Qasym-Jomart Toqaev prezıdent Emomalı Rahmon men onyń otandastaryn Tájikstan Respýblıkasy táýelsizdiginiń 35 jyldyǵymen quttyqtady. Prezıdent Tájikstannyń egemendik jyldarynda memlekettik basqarý, áleýmettik-ekonomıkalyq damý, sondaı-aq álemdik arenada ulttyq múddeni qorǵaý men ilgeriletý isinde zor tabysqa qol jetkizgenin atap ótti.
— Qazaqstan halqy elińizdiń jetistikterine rııasyz qýanady. Biz dostyq qarym-qatynas pen ózara qoldaýdy joǵary baǵalaımyz. Birlesken kúsh-jigerimizdiń arqasynda qazaq-tájik strategııalyq seriktestigi men odaqtastyǵy baýyrlas qos halyqtyń ıgiligi jolynda nyǵaıa beretinine senimdimin, — delingen jedelhatta.
Qasym-Jomart Toqaev Emomalı Rahmonnyń jaýapty memlekettik qyzmetine tabys, al baýyrlas tájik halqyna qut-bereke tiledi.
Buǵan deıin Qasym-Jomart Toqaev Lýıs Inasıý Lýla da Sılva men onyń otandastaryn ulttyq mereke — Táýelsizdik kúnimen quttyqtaǵanyn jazǵan edik.
