Toqaev elordadaǵy senbilikte tal otyrǵyzdy
ASTANA. QazAqparat - Búgin Qazaqstan Respýblıkasy Parlamenti Senatynyń tóraǵasy Qasym-Jomart Toqaev bastaǵan joǵarǵy Palata depýtattary men Apparat qyzmetkerleri dástúrli qalalyq senbilikke qatysty.
Elordanyń sol jaq jaǵalaýyndaǵy Máńgilik el jáne Uly Dala dańǵyldarynyń qıylysyndaǵy shara barysynda júzden astam qaraǵaı, tal, jóke jáne terek kóshetteri otyrǵyzyldy.
Eske sala ketsek, búgin Aqparat jáne kommýnıkatsııalar mınıstrliginiń ujymy da elordadaǵy jalpyqalalyq senbilikke qatysty .
«Qalany taza qylaıyq!» ekologııalyq aktsııasyna Astananyń barlyq shyǵarmashylyq ujymdary da atsalysty. Senbilik kezinde teatr jáne kıno akterlary Nurken Óteýilov, Qýandyq Qystyqbaev, estrada juldyzdary Dosymjan Tańatarov, Nurǵalı Turlybekov, Rınat Maltsagov, «Dabyl» toby, «Astana.KZ» KTK komandasynyń qatysýshysy Málik Hasenov jáne taǵy basqa tanymal azamattar Esil ózeniniń jaǵasyn jınap shyqty .
