Toqaev elimizde áleýmettik salany damytý baǵytynda qolǵa alynǵan sharalarǵa toqtaldy

TARAZ. KAZINFORM — 2019 jyldan beri 1289 jańa mektep salyndy. Sonyń 130-dan astamy osy jyly boı kóterdi. Bul týraly Memleket basshysy Jambyl oblysynyń jurtshylyǵymen kezdesý barysynda málimdedi.

Onyń aıtýynsha, biz órkenıetti el bolý úshin naqty sharalar qabyldap jatyrmyz. Atap aıtqanda bilim berý salasyna bólinetin qarajat úsh ese kóbeıdi. Ǵylymǵa salynǵan ınvestıtsııa bes jylda 5 ese ósti.

— 2019 jyldan beri 1289 jańa mektep salyndy. Sonyń 130-dan astamy osy jyly boı kóterdi. Bilim berý salasyna bólinetin qarajat úsh ese kóbeıdi. Ǵylymǵa salynǵan ınvestıtsııa bes jylda 5 ese ósti. Qazaqstanda sheteldiń 33 ýnıversıtetiniń fılıaldary ashyldy. Jas ǵalymdarǵa baspana berilip jatyr. Sondaı-aq ult saýlyǵyn jaqsartý úshin aýqymdy jumys atqaryldy. Azamattardyń ortasha ómir súrý uzaqtyǵy 75,4 jasqa jetti. Muny rekordtyq kórsetkish deýge bolady. «Aýylda densaýlyq saqtaýdy jańǵyrtý» jobasy tabysty júzege asyrylyp jatyr. Sonyń aıasynda 646 ambýlatorııa jáne feldsherlik-akýsherlik pýnkt ashyldy. Buǵan qosa, 32 aýdandyq aýrýhana zaman talabyna saı kópbeıindi ortalyq aýrýhana retinde jańǵyrtylyp jatyr, — dedi Prezıdent.

Budan buryn Jambyl oblysynda jumys saparymen júrgen Memleket basshysy Qasym-Jomart Toqaev Dala Glass áınek óndiretin kásiporyn qyzmetimen tanysqanyn jazǵan edik.

Sonymen qatar Toqaev aýyl sharýashylyǵyndaǵy jalpy ónim sońǵy on jylda 2,5 ese óskenin aıtty.