Toqaev: Elimizde jalǵan aqparat taratatyn basylym-symaqtardyń artynda qaltaly adamdar men yqpaldy elder tur
«Qazir batys elderinde «antı-ınflıýenser» degen qozǵalys birte-birte qalyptasyp jatyr. Bul qozǵalys ınternet basylymdar arqyly azamattarǵa, jastarǵa taraıtyn barlyq aqparatqa, derekterge, ásirese, jalǵan maǵlumattarǵa, ıaǵnı, fake news-qa zor kúmánmen qaraıdy, ıaǵnı adamdardyń sanasyn jaýlap jatqan, tipti, olarǵa ımandaı senýge bolatyn ıdeologııa sekildi qubylystardy joqqa shyǵarady. Bizdiń elimizde de jalǵan aqparat taratatyn basylym-symaqtar bar. Bul – qupııa emes. Olardyń artynda naqty qaltaly adamdar, tipti, yqpaldy elder bar. Al, jańa qozǵalystyń negizgi maqsaty – dástúrli qundylyqtardy dáripteý, eń aldymen, bul ádebıettegi, sondaı-aq aqparat salasyndaǵy dástúrdi saqtaý», - dedi Prezıdent.
Memleket Qasym-Jomart Toqaev bizdiń el de álemde bolyp jatqan osy jańa úrdisten shet qalmaýy tıis ekenin basa aıtty.
«Bul úrdister búginde túrli aqparatpen ıdeologııalyq turǵydan ýlanyp jatqan qoǵamdy saýyqtyratyn kúshke aınalýy ábden múmkin. Jalpy, osyndaı mańyzdy isterge, sonyń ishinde kitap shyǵarý isine Qazaqstan Jazýshylar odaǵy belsene atsalysýy kerek», - dep toqtaldy Qasym-Jomart Toqaev.
Eske sala keteıik, búgin Túrkistanda Memleket basshysynyń qatysýymen Ulttyq quryltaıdyń ekinshi otyrysy ótip jatyr.
