Toqaev: Elimizde aýqymdy daǵdarysty eńserýge qajetti búkil rezerv pen tetikter bar
«Daǵdarysqa qarsy birinshi kezektegi sharalary týraly. Qazaqstan óziniń zamanaýı tarıhynda geosıasaı ahýaldyń shuǵyl shıelenisýimen baılanysty teńdessiz qarjylyq-ekonomıkalyq qıyndyqtarǵa tap keldi. Qatań sanktsııalyq teketires qazirdiń ózinde eleýli sheginisterge ákelip jatyr. Tek jekelegen elderge ǵana emes, búkil ǵalamdyq ekonomıkaǵa áser etýde. Jaǵdaı jyldam ózgerip jatyr, tipti saǵat saıyn deýge bolady. Álemdik naryqtarda belgisizdik pen týrbılenttilik deńgeıi artýda, - dedi Memleket basshysy.
Onyń sózine qaraǵanda, degenmen baıbalam salýǵa negiz joq.
«Elimizde aýqymdy daǵdarysty eńserýge qajetti búkil rezerv pen tetikter bar. Úkimet shuǵyl arada daǵdarysqa qarsy birinshi kezektegi sharalardyń paketin usynýy kerek. Bárinen buryn ulttyq valıýtanyń turaqtylyǵyn qamtamasyz etý kerek», - dedi Prezıdent.