Toqaev: Elbasynyń jolyn jalǵastyrýdy mártebeli mindet sanaımyn
«Partııa tóraǵasy, Elbasy 19 naýryz kúni óziniń tarıhı Úndeýinde: «Táýelsiz Qazaqstanymyzdy, ortaq Otanymyzdy, máńgilik elimizdi saqtaı bilińder» dedi! Árbir qazaqstandyqtyń júregine jol tapqan bul sózder meniń de boıtumardaı buljymas ustanymym bolady. Qazirgi aýmaly-tókpeli zamanda qubylamyzdan jańylmaý úshin bizdiń baǵytymyz aıqyn! Baıtaq elimizdi bekemdep, bolashaǵymyzdyń baǵdaryn bekitip bergen Elbasy amanaty bizdi bıik belesterge jeteleıdi. Keshegini umytpaı, keleshekti ulyqtaý -kıeli Táýelsizdik aldyndaǵy basty paryzymyz! Biz osy baqty baǵalaı bilsek qana asqar asýlardy baǵyndyra alamyz!», - dedi Q. Toqaev.
Osy oraıda, ol Elbasy Nursultan Ábishuly Nazarbaev irgesi berik, ózegi myqty, qýatty memleket qurǵanyn, Keńes odaǵynyń qursaýynan shyqqan Qazaqstan kúlli álem moıyndaǵan bedeldi elge jáne beıbitshilik beldeýine aınalǵanyn atap ótti.
«Turaqtylyqtyń, tatýlyqtyń, tutastyqtyń arqasynda táýelsizdigimiz tuǵyrly boldy! Eliniń erteńin oılaǵan Elbasy Esildiń boıyna jańa elordamyzdy ornatty. Búginde Nur-Sultan qalasy dúnıejúzi ókilderiniń basyn qosyp, aýqymdy máselelerdi talqyǵa salatyn jahandyq ortalyqtardyń biri retinde qalyptasty. Rýhanı baı muralarymyz zerdeli urpaqtyń zeıinin ashyp, kóne tarıhty qaıta jańǵyrtty. Osynyń bári teńdessiz tulǵanyń tegeýrindi isteri arqyly júzege asqanyn dana halqymyz jaqsy biledi! Sondyqtan, Tuńǵysh Prezıdentimizdiń jeńisti, jemisti jolyn jalǵastyrýdy men asa mártebeli mindet ári qasıetti paryz dep sanaımyn! Elbasymyz aıqyndaǵan strategııalyq baǵyt árqashan bizdiń aınymas baǵdarymyz, adastyrmas temirqazyǵymyz bolady!», - dedi Memleket basshysy.
