Toqaev: Elbasy - bar ǵumyryn halqyna qyzmet etýge arnaǵan ultynyń adal perzenti

ALMATY. QazAqparat - QR Prezıdenti Qasym-Jomart Toqaev Almatydaǵy «Kemeńgerliktiń 30 jyly» atty halyqaralyq ǵylymı konferentsııa barysynda qazaqstandyqtardyń jańa synı kezeńge daıyn bolýy kerektigin aıtty, dep habarlaıdy QazAqparat.

«Álem toqtaýsyz damý jolynda. Qazaqstandy úlken synaqtar kútip tur. Qazirgi halyqaralyq qatynastardyń týrbýlenttiligi kezinde týǵan reformalar óspeli jahandyq báseke kezindegi kúrdeli georgrafııalyq jaǵdaılarda júzege asyrylady. Nursultan Ábishuly jalpy ultty qatań básekege daıyndap jatyr. 21 ǵasyrda ońaıǵa soqpaıtynyn eskertemin. Bizdiń ýaqytymyzdyń paradıgmasy osyndaı. Qazaqstannyń Tuńǵysh Prezıdenti - bar ǵumyryn óz halqyna eńbek etýge arnaǵan ultynyń adal perzenti. Sonymen qatar, ol - jahandyq aýqymdaǵy myqty saıasatker jáne kórnekti reformator retinde adamzat tarıhyndaǵy uly tulǵa», - dedi QR Prezıdenti.

Eske sala keteıik, búgin Almatyda ótip jatqan «Kemeńgerliktiń 30 jyly» halyqaralyq ǵylymı konferentsııasnda sóz sóılegen Qasym-Jomart Toqaev Qazaqstan memleketiniń negizin qalaýshy Nursultan Nazarbaevty «egemen eldiń jylnamasyn jazǵan adam» dep atady.

Sondaı-aq, QR Tuńǵysh Prezıdenti Nursultan Nazarbaev óziniń KSRO Úkimetin basqarý týraly usynystan qalaı bas tartqanyn aıtty.