Toqaev el taǵdyryna alańdamaıtyn bıznesmender jaıly: túsiniksiz syltaýlar estımin
«Biz yntymaqtastyq pen ózara jaýapkershilik ustanymdaryna negizdelgen memleket quryp jatyrmyz. Men únemi dáýletti bıznesmenderimizdi áleýmettik salaǵa ınvestıtsııa salýǵa, qoǵamdyq mańyzy bar jobalardy damytýǵa shaqyramyn. Oǵan jaýap retinde qandaı da bir túsiniksiz syltaýlardy estımin, olardyń shet qalǵanyn, eldegi ómirdi jaqsartýǵa belsendi qatysýǵa nıetiniń joqtyǵyn kóremin. Shamasy, bul olardyń el taǵdyryna alańdamaıtynyn jáne olar úshin áleýmettik jaýapkershilikke shaqyrý bos áýre ekenin bildiredi. Mundaı pozıtsııa birqatar suraqtar týdyrady jáne biz de óz qorytyndymyzdy shyǵaramyz», - dedi Memleket basshysy.
Prezıdent shet elderdegi aýqatty adamdar tek ishki problemalardy sheshýge ǵana emes, ózderiniń bıznes-baılanystaryn paıdalanyp, shetelde ulttyq múddeni ilgeriletýge járdemdesetinin atap ótti.
«Bizdiń elimizge belsendi azamattyq patrıotızm qajet. Aınalada bolyp jatqan barlyq nársege «meniń sharýam joq» qaǵıdatymen qaraýǵa bolmaıdy», - dedi Qasym-Jomart Toqaev.
