Toqaev: Ekonomıkamyz sanktsııalyq syn-tegeýirinderdi toıtarýǵa daıyn bolýy tıis

NUR-SULTAN. QazAqparat – Ekonomıkamyz sanktsııalyq syn-tegeýirinderdi toıtarýǵa daıyn bolýy tıis. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Men Qaýipsizdik keńesinde birqatar jumys jınalysyn ótkizdim. Úkimet aldyna sanktsııalyq teke-tirestiń qatty ýshyǵýy jaǵdaıynda eldiń turaqty áleýmettik-ekonomıkalyq damýyn qamtamasyz etý boıynsha naqty tapsyrmalar júktedim. Daǵdarysty jaǵdaıda úzdiksiz jumys isteýdi qamtamasyz etý úshin ekonomıkamyz sanktsııalyq syn-tegeýirinderdi toıtarýǵa daıyn bolýy tıis. Menińshe, bárimiz birge keleshek syn-tegeýirinder men qıyndyqtardy eńseretin bolamyz. Olardyń kúrdeli ekendigin elemeýge bolmaıdy. Biraq asyra silteýdiń de qajet joq», - dedi Memleket basshysy «AMANAT» partııasynyń kezekten tys sezinde.