Toqaev depýtattarǵa: Halyqtyń múddesin qorǵaý úshin árdaıym tabandylyq tanytýǵa tıissizder

NUR-SULTAN. QazAqparat – Parlament depýtattary halyqtyń múddesin qorǵaý úshin árdaıym tabandylyq tanytýǵa tıis. Bul týraly Memleket basshysy Qasym-Jomart Toqaev Qazaqstan halqyna Joldaýy barysynda aıtty, dep habarlaıdy QazAqparat tilshisi.

«7-shi shaqyrylymdaǵy Parlament óziniń birinshi sessııasynda 63 zań qabyldady. Qos palata birlesip, elimizde júıeli ózgerister men reformalar jasaýǵa qajetti zańnamalyq negiz qalyptastyrdy. Búgin Parlamenttiń kezekti sessııasy bastalmaq. Aldymyzda kóptegen mańyzdy mindet tur. Árbir zań jobasynyń qyr-syryna tereń úńilip, ony sapaly daıyndaý kerek. Sizder halyqtyń múddesin qorǵaý úshin árdaıym tabandylyq tanytýǵa tıissizder»,- dedi Memleket basshysy.

QR Prezıdenti árbir sheshim eldiń suranysyn da, memlekettiń múmkindigin de eskere otyryp qabyldanýy qajettigin basa aıtty.

«Osy jaýapty jumysta sizderge sáttilik tileımin», - dedi Qasym-Jomart Toqaev.