Toqaev Chernogorııa Prezıdentine kóńil aıtý jedelhatyn joldady

ASTANA. KAZINFORM — Memleket basshysy Chernogorııa Prezıdenti ıAkov Mılatovıchke kóńil aıtý jedelhatyn joldady, dep habarlaıdy Aqorda.

Qasym-Jomart Toqaev Tsetıne qalasynda oryn alǵan jantúrshigerlik oqıǵa saldarynan kóptegen adamnyń, sonyń ishinde balalardyń qaza tapqany týraly sýyt habardy kúızelispen qabyldaǵanyn jetkizdi.

— Prezıdent Chernogorııa halqynyń qaıǵy-qasiretine ortaqtasyp, jaqyndarynan aıyrylǵan otbasylarǵa kóńil aıtty. Sondaı-aq zardap shekken azamattardyń tez arada saýyǵyp ketýine tilektestik bildirdi, — delingen habarlamada.

Eske salsaq, Chernogorııada tavernadaǵy kıkiljińnen keıin 45 jastaǵy er adam úıine myltyq alý úshin oralyp, qaıta oq jaýdyrǵan. Sodan keıin ol ózine qol jumsamas buryn taverna qojaıynynyń balalary men áıelin atyp tastaǵan.

Chernogorııa bıligi úsh kúndik qaraly kún jarııalady.

Búgin Chernogorııadaǵy atystan qaza tapqandar sany 12-ge jetkeni belgili boldy.

Buǵan deıin Toqaev Jańa Orleandaǵy qaıǵyly oqıǵaǵa baılanysty AQSh Prezıdenti Djozef Baıdenge kóńil aıtty.