Toqaev: Buryn-sońdy bolmaǵan geosaıası daýyl jaǵdaıynda ómir súrip jatyrmyz

ASTANA. QazAqparat – Beıbitshilik pen yntymaqtastyqqa degen ortaq umtylys bárimizdi biriktiredi. Bul týraly Azııadaǵy ózara is-qımyl jáne senim sharalary jónindegi keńestiń VI sammıtinde sóz sóılegen Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Beıbitshilik pen yntymaqtastyqqa degen ortaq umtylys bárimizdi biriktiredi. Biraq bizdiń jasampaz kúsh-jigerimizge qaramastan, álem qaýipsiz bola bermeıdi. Búgin biz buryn-sońdy bolmaǵan geosaıası daýyl men álemdik ekonomıkanyń ósip kele jatqan daǵdarysy jaǵdaıynda ómir súrip jatyrmyz», - dedi Qasym-Jomart Toqaev.

Memleket basshysy bul qubylys qazirdiń ózinde «jahandyq dısfýnktsııa» dep atalatyndyǵyna nazar aýdardy.

«2019 jyly AÓSShK-niń buǵan deıingi sammıti ótkizilgennen beri álemdik qoǵamdastyq aýyr synaqtardan ótti. Onyń teris saldary jahandyq damýǵa áser etýdi jalǵastyryp otyr», - dedi QR Prezıdenti.