Toqaev: BRIKS jahandyq tartylys ortalyǵyna aınaldy
QAZAN. KAZINFORM – BRIKS jahandyq tartylys ortalyǵyna aınaldy. Bul týraly Memleket basshysy Qasym-Jomart Toqaev BRIKS-tiń XVI sammıti plenarlyq otyrysynyń «BRIKS+»/«aýtrıch» formatyndaǵy jıynynda aıtty.
Esterińizge sala keteıik, 22-24 qazan kúnderi Qazanda BRIKS-ke múshe elderdiń sammıti ótip jatyr. Іs-sharaǵa birqatar memlekettiń basshylary kelgen. Olardyń arasyndaÚndistan Premer-Mınıstri Narendra Modı, Ońtústik Afrıka Respýblıkasynyń Prezıdenti Matamela Sırıl Ramafosa, Efıopııa Premer-Mınıstri Abıı Ahmed, Mysyr prezıdenti Abdel Fattah as-Sısı, Qytaı tóraǵasy Sı Tszınpın, Túrkııa Prezıdenti Rejep Taıyp Erdoǵan bar.
23 qazanda «Qazan EKSPO» alańynda BRIKS sammıtiniń keńeıtilgen quramdaǵy otyrysy, sammıtke qatysýshylardyń shaǵyn quramdaǵy kezdesýi ótti. Kezdesýde Reseı Prezıdenti Vladımır Pýtın BRIKS-tyń seriktes elderiniń tizimin qurýdy jáne ony qorytyndy deklaratsııaǵa engizýdi usyndy. Sonymen qatar ol 30-dan astam memlekettiń BRIKS quramyna kirýge qyzyǵýshylyq tanytqanyn atap ótti.
QR Prezıdenti Qasym-Jomart Toqaev Reseı Federatsııasynyń Prezıdenti Vladımır Pýtınniń shaqyrýymen BRIKS-ke múshe memleketter basshylarynyń XVI Sammıtine qatysý úshin Qazan qalasyna jumys saparymen barǵan bolatyn.
Memleket basshysy BRIKS sammıtine qatysýshylarmen birqatar kezdesý ótkizdi.
QR Prezıdenti jáne ózge BRIKS+ sammıtine qatysýshylar birge sýretke tústi.
