Toqaev: BRIKS alaýyzdyqty azaıtyp, naqty nátıjege qol jetkizýge tıis
NЬıÝ-DELI. KAZINFORM — Prezıdent Qasym-Jomart Toqaev BRIKS áleýetin tolyq paıdalaný úshin ne qajet ekenin aıtty, dep habarlaıdy Aqordanyń baspasóz qyzmeti.
Memleket basshysy qonaqjaılyq tanytqan jáne BRIKS sammıtin joǵary deńgeıde uıymdastyrǵan Premer-mınıstr Narendra Modıge alǵys aıtty.
— Bizdiń kezdesýimiz Úndistannyń biregeı baı mádenı murasyn pash etetin Nıý-Delı qalasynda ótip jatyr. Munyń ózi sımvoldyq mánge ıe. Búginde «Adamzat — bárinen mańyzdy» qaǵıdasyna negizdelgen jáne halyqtardyń múddesin kózdeıtin kún tártibi asa ózekti. BRIKS aıasyndaǵy yntymaqtastyqtyń 20 jyldyǵymen tuspa-tus kelgen Úndistannyń tóraǵalyǵy bul baǵytqa aıryqsha serpin berdi, — dedi Qazaqstan Prezıdenti.
Qasym-Jomart Toqaevtyń aıtýynsha, jahan jurtynyń jartysyna jýyǵyn quraıtyn jáne álemdik ishki jalpy ónimniń 40 paıyzyn beretin BRIKS — aıtarlyqtaı múmkindikke ıe. Sonymen birge atalǵan qurylym alaýyzdyqty azaıtyp, naqty nátıjege qol jetkizýge de jaýapty.
— Degenmen halyqaralyq qoǵamdastyq aldynda turǵan irgeli máselelerdiń sheshimin taýyp, jetekshi derjavalar arasyndaǵy senim deńgeıin qalpyna keltirmeıinshe, BRIKS áleýetin tolyq iske asyrý múmkin emes. Bul úrdis 2026 jyly jarııalanǵan Jahandyq beıbitshilik ındeksinde aıqyn kórinis tapty. Geosaıası qaqtyǵystar ýshyǵyp, mılıtarızatsııa kúsheıgen, kópjaqty ınstıtýttar álsirep, saýda kedergileri kóbeıgen kezeńdi sıpattaıtyn «Jappaı jikke bóliný» degen uǵym paıda boldy. Byltyr qaqtyǵystardyń saldarynan jahandyq ekonomıka shamamen 22 trıllıon dollar zııan shekti. ıAǵnı álemdik ishki jalpy ónimniń 10 paıyzyna parapar. Bul — alańdatarlyq ahýal. Biz aımaqtyq kıkiljińderdiń qaqtyǵysýshy taraptarmen shektelmeı, halyqaralyq ekonomıkaǵa zardabyn tıgize bastaǵanyna kýá bolyp otyrmyz. Mańyzdy teńiz joldarynyń úzilýi jahandyq energetıka, azyq-túlik jáne saýda tizbegindegi osal tustardy anyq kórsetti, — dedi Memleket basshysy.
Buǵan deıin Qazaqstanda efıopııalyq shaı, kofe jáne gúlder haby qurylýy múmkin ekeni aıtyldy.
