Toqaev BQO ákimine oblys pen Oral qalasyn damytý jóninde tapsyrma berdi
NUR-SULTAN. QazAqparat - Qazaqstan Prezıdenti Qasym-Jomart Toqaev Batys Qazaqstan oblysynyń ákimi Altaı Kólginovti qabyldady, dep habarlaıdy QazAqparat Aqordaǵa silteme jasap.
Memleket basshysyna óńirdiń negizgi áleýmettik-ekonomıkalyq damý kórsetkishteri men turǵyndardyń ómir súrý sapasyn arttyrýǵa baǵyttalǵan tapsyrmalardyń oryndalý barysy týraly baıandaldy.
Qasym-Jomart Toqaev az qamtylǵan jáne kópbalaly otbasylardy qoljetimdi ári sapaly turǵyn úımen qamtý boıynsha júıeli jumys júrgizýdiń mańyzdy ekenin aıtty. Kezdesý barysynda shalǵaı aýdandardy aýyz sýmen qamtamasyz etý, jol-kólik ınfraqurylymyn jaqsartý máselelerine basa mán berildi.
Prezıdent Batys Qazaqstan oblysy men Oral qalasyn odan ári damytý jóninde birqatar naqty tapsyrmalar berdi.
