Toqaev bıznes ókilderin mektep, balabaqsha, aýrýhana salýǵa shaqyrdy

NUR-SULTAN. QazAqparat - QR Prezıdenti Qasym-Jomart Toqaev Aqordada ótken jıynda iri bıznes ókilderin qoǵamdy tolǵandyratyn áleýmettik máselelerdi sheshýde shet qalmaýǵa shaqyrdy, dep habarlaıdy QazAqparat.

«Adamı kapıtalǵa, atap aıtqanda, zamanaýı balabaqshalar, jaıly mektepter, aýrýhanalar, irgeli ýnıversıtetter salýǵa, týrızmdi damytýǵa ınvestıtsııa quıý da mańyzdy. Sizder qaıyrymdylyq ister jasaýdy jalǵastyra beretinderińizge senimdimiz. Qazir elimizde mektepterdiń, stýdentter jataqhanalarynyń, jastarǵa arnalǵan sport ǵımarattarynyń tapshylyǵy seziledi. Sizderdiń kómekterińiz el úshin eleýli bolar edi», – dedi Prezıdent.