Toqaev: Bizdiń paryzymyz - qandy qylmys jasalǵanyn umytpaı, barlyq sodyrlar men lańkesterdi jazaǵa tartý
«Keshegi qaterli kúnderde Memleket basshysy retinde halyqqa arnap birneshe úndeý jasadym. Barlyq jaǵdaıda azamattarymyzǵa jan-jaqty túsindirip jetkizdim. Árbir sheshimdi elimizdiń múddesine saı qabyldadym. Bul men úshin buljymas ustanym», - dedi Memleket basshysy.
QR Prezıdenti ókinishke qaraı búlikshilerdiń, qaraqshylardyń, lańkesterdiń kesirinen qansha azamatymyz qaza bolǵanyn aıtty.
«Men qara jamylǵan otbasylardyń qaıǵysyna ortaqtasyp, taǵy da kóńil aıtamyn. Biz mundaı jaǵdaı endi eshqashan qaıtalanbaýy úshin bárin jasaımyz. Qazaqta «ótken kúnnen alys joq, keler kúnnen jaqyn joq» degen sóz bar. Bizdiń paryzymyz - qandy qylmys jasalǵanyn umytpaı, barlyq sodyrlar men lańkesterdi jazaǵa tartý. Halqymyz osy oqıǵadan sabaq ala bilýi kerek. Eldiń tynyshtyǵyn buzyp, qaýipsizdigine nuqsan keltiretin áreketke eshqashan jol bermeýge tıispiz» - dedi Qasym-Jomart Toqaev.
