Toqaev: Byltyrǵy tasqynnan bılik tıisti qorytyndy jasady dep aqparat aldym

BÝRABAI. KAZINFORM – Óńirlerdi damytý tujyrymdamasy ázirlenip jatyr. Bul týraly Ulttyq quryltaıdyń IV otyrysynda Memleket basshysy Qasym-Jomart Toqaev aıtty.

- AMANAT partııasy shekara mańyndaǵy aýdandardy damytýǵa qatysty jańa zań qabyldaýdy usynyp otyr. Úkimetke depýtattarmen birge bul usynysty muqııat qarastyrýdy tapsyramyn. Ádette shekara mańyndaǵy aýdandar arqyly mańyzdy kólik-logıstıka dálizderi ótedi. Bıyl avtokólikterge arnalǵan 9 keden beketin jańǵyrtý josparlanyp otyr. Sonyń nátıjesinde, mundaı beketterdiń ótkizý múmkindigi 6 ese artady. Bul joba elimizdiń tranzıttik áleýetin nyǵaıtýǵa edáýir úles qosady, - dedi Memleket basshysy.

Prezıdent aımaqtardyń damýyndaǵy alshaqtyqty joıý úshin naqty standarttarǵa súıene otyryp ekologııalyq kórsetkishter, ınfraqurylym, áleýmettik qamsyzdandyrý jáne basqa da mańyzdy ólshemder boıynsha artta qalǵan óńirlerdi anyqtaý qajettigin basa aıtty.

- Ortalyqtyń kúsh-jigerin osyndaı alshaqtyqty joıýǵa jumyldyrý kerek. Sol úshin qazir Óńirlerdi damytý tujyrymdamasy ázirlenip jatyr. Qujatta aımaqtar arasyndaǵy teńsizdikti joıýǵa jáne mekemeler arasyndaǵy ózara is-qımyldy jaqsartýǵa baǵyttalǵan tyń tásilder qarastyrylady. Óńirlerdiń is-qımyly naqty salaǵa jaýapty memlekettik organdardyń respýblıkalyq deńgeıde atqaryp jatqan jumystaryna sáıkes júrgizilýi qajet. Іs-sharalar úılesimdi bolýǵa tıis, - dedi Qasym-Jomart Toqaev.

Memleket basshysy bul barlyq salaǵa qatysty másele ekendigine aıryqsha nazar aýdartty.

- Mysaly, soltústikke kóktem endi kelip jatyr. Qar erip, eldi mekenderdi qarǵyn sý basý qaýpi týyndaıdy. Byltyrǵy tasqynnan ortalyq ta, jergilikti bılik te tıisti qorytyndy jasady dep aqparat alyp otyrmyn. Jaz shyqqan soń órt qaýpi kúsheıedi. Tabıǵat apattarynyń aldyn alý, saqtaný sharalary únemi nazarda bolýy kerek, - dedi Prezıdent.

Aıta keteıik, Prezıdent kıik sanyn retteý máselesin qaıta zerdeleýdi tapsyrdy.