Toqaev Belarýs prezıdentin Astanadaǵy Eýrazııalyq ekonomıkalyq forýmǵa shaqyrdy
ASTANA. KAZINFORM – Memleket basshysy Qasym-Jomart Toqaev Belarýs prezıdenti Aleksandr Lýkashenkomen telefon arqyly sóılesti. Bul týraly Aqordanyń baspasóz qyzmeti habarlady.
Áńgimelesý barysynda prezıdentter Qazaqstan men Belarýs arasyndaǵy qarym-qatynas júıeli túrde damyp kele jatqanyn atap ótip, yntymaqtastyqtyń barlyq baǵyty boıynsha oń dınamıka baıqalatynyn atap ótti.
Memleketter basshylary saýda-ekonomıkalyq jáne mádenı-gýmanıtarlyq yqpaldastyqty odan ári keńeıtý múmkindikterin talqylady.
Taraptar óńirlik jáne halyqaralyq kún tártibiniń ózekti máseleleri jóninde pikir almasyp, aldaǵy birlesken is-sharalardyń kestesin qarastyrdy.
Qasym-Jomart Toqaev Aleksandr Lýkashenkony Joǵary Eýrazııalyq ekonomıkalyq keńestiń kezekti otyrysyna jáne Eýrazııalyq ekonomıkalyq forým jumysyna qatysýǵa shaqyrdy. Atalǵan jıyndar mamyr aıynyń sońynda Astana qalasynda ótedi.
Buǵan deıin habarlaǵanymyzdaı, Prezıdent Chehııa Premer-mınıstrin І dárejeli «Dostyq» ordenimen marapattady.
