Toqaev Bas prokýratýraǵa Artsportqa bólingen qarjynyń jumsalýyn tekserýdi júktedi

NUR-SULTAN. QazAqparat – Barlyq aımaqtaǵy balalardyń qosymsha bilim alýyna múmkindigi bolýy tıis. Bul týraly Úkimettiń keńeıtilgen otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Naqty ǵylymdar men ınjenerııa salasy boıynsha qosymsha bilim berýge aıryqsha nazar aýdarý kerek. Balalardy dene shynyqtyrý jáne akademııalyq turǵydan birdeı damytý kerek. Aýyldyq jerde turatyn balalarǵa basa mán bergen jón. Barlyq aımaqtaǵy balalardyń qosymsha bilim alýyna múmkindigi bolýy tıis», - dedi Qasym-Jomart Toqaev.

Memleket basshysy quzyrly mınıstrlik pen ákimdikterge «Artsport» jobasynyń júzege asyrylýyn rettep, jiti baqylaýdy mindettedi.

«Buǵan deıin bólingen qarjynyń jumsalýyn tekserý kerek. Bul mindet Bas prokýratýraǵa júkteledi. Anyqtalǵan kemshilikterdi úkimetpen birlesip joıý qajet», - dedi Prezıdent.