Toqaev barsha musylman qaýymyn kele jatqan qasıetti Ramazan aıymen quttyqtady
«Álemdik jáne dástúrli dinder kóshbasshylary sezi hatshylyǵynyń otyrysynda júzdeskenime qýanyshtymyn. Sizder árdaıym dinaralyq túsinistikti nyǵaıtý jolyndaǵy Qazaqstannyń ıgi bastamalaryna belsendi túrde qoldaý kórsetip kelesizder. Álemdik jáne dástúrli dinder kóshbasshylary sezi jumysyna qosqan aıtýly úlesterińiz úshin zor rızashylyǵymdy bildiremin. Bul yntymaqtastyq ary qaraı da tabysty jalǵasyn tabady dep senemin. Barlyq qatysýshylardyń atynan barsha musylman qaýymyn kele jatqan qasıetti Ramazan aıymen shyn júrekten quttyqtaýǵa ruqsat etińizder», dedi otyrysty ashqan Qasym-Jomart Toqaev.
Aıta keterligi, otyrysqa Ál-Azhar Joǵarǵy ımamynyń syrtqy baılanystar jónindegi keńesshisi Ábdilrahman Musa, Dúnıejúzilik Islam lıgasy Bas hatshysynyń keńesshisi Mýnkız As-Sakar, SaýdArabııasy Koroldigi Islam, vakýfter jáne úndeý isteri jónindegi mınıstriniń keńesshisi Abdýlla ıbn Fahd ál-Lhıdan, Iran Islam Respýblıkasynyń mádenıet jáne ıslamdyq baılanystar jónindegi uıym prezıdentiniń orynbasary Gahraman Soleımanı, Islamabad halyqaralyq ıslam ýnıversıteti Islamdy zertteý ınstıtýtynyń bas dırektory Muhammad Zııa Ýl-Hak, «Nur-Múbárak» Mysyr Islam ýnıversıtetiniń rektory Goýda Basıýnı, Frantsııa metropolıti Emmanýıl Adamakıs, Armıan Apostol shirkeýiniń ýkraındyq eparhııasynyń jetekshisi Margos Oganesıan, Bedford epıskopy Rıchard Atkınson, sondaı-aq Qazaqstandaǵy dinbasshylary men birqatar memlekettik organ ókilderi qatysýda .
