Toqaev bankterdegi jınaqtardy ekonomıkany damytýǵa baǵyttaýdy tapsyrdy
ASTANA. KAZINFORM – Elimizdegi bankterdiń aktıvi 75 trıllıon teńgeden asty. Bul týraly Quryltaı otyrysynda "Jańa tarıhı kezeńdegi Qazaqstannyń ózekti mindetteri» atty Qazaqstan halqyna Joldaýyn jarııalap jatqan Prezıdent Qasym-Jomart Toqaev aıtty.
- Qarjy naryǵyn retteýshi mekemeler de óz mindetterin sapaly ári tıimdi oryndaýǵa tıis. Búginde Qazaqstannyń qarjy júıesi aıtarlyqtaı ornyqty deńgeıde. Oǵan dálel: elimizdegi bankterdiń aktıvi 75 trıllıon teńgeden asty. Depozıtterdiń kólemi rekordtyq kórsetkishke, naqty aıtqanda, 52 trıllıon teńgege jetti, - dedi Memleket basshysy.
Prezıdenttiń atap ótýinshe, salymdardyń 78 paıyzy ulttyq valıýtada saqtalǵan. Bul ulttyq teńgeniń qundylyǵy arta túskenin kórsetedi.
- Endigi mańyzdy mindet – jınaqtalǵan qarjy resýrstaryn ekonomıkanyń naqty sektoryn damytýǵa paıdalaný. Osyǵan oraı, Ulttyq bankke baǵa men qarjy turaqtylyǵyn qamtamasyz etýmen qatar, ekonomıkany damytýǵa jol ashatyn bastamalardy júzege asyrýǵa da atsalysatyn kez keldi, - dedi Qasym-Jomart Toqaev.
Buǵan deıin Memleket basshysy el ómirindegi tarıhı ózgeristerdiń barlyǵy halyqtyń kóz aldynda bolyp jatqanyn aıtqan edi.
