Toqaev Azııa damý bankiniń elimizdegi jobalardy qarjylandyrý máselesin talqylady

ASTANA. QazAqparat - Memleket basshysy Qasym-Jomart Toqaev Azııa damý bankiniń prezıdenti Masatsýgý Asakavamen kezdesti. QazAqparat bul týraly Aqordaǵa silteme jasap habarlaıdy.

Kezdesý barysynda Azııa damý bankiniń Qazaqstandaǵy jobalardy qarjylandyrý máseleleri talqylandy. Memleket basshysy kelesi jyly Qazaqstan men Azııa damý banki arasyndaǵy yntymaqtastyqtyń 30 jyldyǵy atap ótiletinine toqtalyp, elimizdiń ekonomıkalyq damýyna úles qosqany úshin bank basshylyǵyna alǵys aıtty.

Óz kezeginde Masatsýgý Asakava Prezıdentke qarjy ınstıtýtynyń 2023-2027 jyldarǵa arnalǵan Qazaqstanmen seriktestik strategııasy jóninde málimet berdi.