Toqaev: Ortalyq Azııaǵa tartylǵan ınvestıtsııanyń 60 paıyzy Qazaqstanǵa tıesili

TARAZ. KAZINFORM — Prezıdent «Ortalyq Azııa plıýs» formatyna suranys artyp kele jatqanyn aıtty. Bul týraly Aqordanyń baspasóz qyzmeti málim etti.

Memleket basshysy atap ótkendeı, bıyl aımaq elderi Eýropa Odaǵymen, Italııamen, Qytaımen, Reseımen, AQSh-pen jáne Japonııamen birlesken kelissózder júrgizdi. 

— Aımaqqa tartylǵan ınvestıtsııanyń 60 paıyzdan astamy Qazaqstanǵa tıesili. Investıtsııamen birge jańa tehnologııa, bilim keledi, birlesken ǵylymı-tehnıkalyq ortalyqtar men sheteldik joǵary oqý oryndarynyń fılıaldary ashylady. Qazaqstan taýarlary men otandyq bızneske kez kelgen shekara ashyq. Sondyqtan barsha sheteldik seriktestermen ózara tıimdi yntymaqtastyq qurý — zaman talaby, tipti, ómirlik qajettilik. Osylaısha, Qazaq eli jańǵyrýdyń jańa kezeńine qadam basyp keledi. Biz osy baǵyttan taımaı, áli de kóp jumys isteýimiz kerek, — dedi Toqaev

Osyǵan deıin Jambyl oblysynda jumys saparymen júrgen Memleket basshysy Qasym-Jomart Toqaev Dala Glass áınek óndiretin kásiporyn qyzmetimen tanysqanyn jazǵanbyz.

Sondaı-aq jambyldyqtarmen kezdesýde Prezıdent elimizde aýyl sharýashylyǵyndaǵy jalpy ónim sońǵy on jylda 2,5 ese óskenin aıtty.