Toqaev aýqymdy reformalar týraly: Artqa sheginer jol joq
ASTANA. KAZINFORM — Qazaq elinde júrgizilip jatqan reformalardyń kún tártibinde qazirgi, tipti keleshektegi yqtımal jahandyq syn-qaterler tolyq meılinshe eskerilgen. Bul týraly QR Quryltaıynyń birinshi sessııasynyń ashylýynda Memleket basshysy Qasym-Jomart Toqaev málim etti.
— Álemde jańa tártip qalyptasyp jatyr. Ol kereǵar sıpatqa ıe: bir jaǵynan — qaýipti, zııandy, keleshegi bulyńǵyr, al ekinshi jaǵynan — progressıvti, tehnologııalyq, perspektıvti ári adamzat tarıhyndaǵy eleýli betburys sanalady. Mundaı jaǵdaıda ekonomıka, ǵylym, áskerı-dıplomatııa salalarynda óziniń egemendigin naqty ispen qorǵap, nyǵaıtýǵa qaýqarly, eń mańyzdysy, adam áleýetin damytatyn memleketter ǵana jańa dáýirge beıimdeletini barshaǵa túsinikti. Dál osy sebepti memleketimizdi jan-jaqty jańǵyrtý strategııalyq turǵydan mańyzdy. Maqtangershilik emes, ádilin aıtsaq, biz júrgizip jatqan aýqymdy reformalardyń qarqyny aldaǵy ýaqytta údeı túspese, báseńdemeıdi. Qarapaıym tilmen aıtqanda, artqa sheginer jol joq. Bul — eleýlik jetistik, — dedi Qasym-Jomart Toqaev.
Prezıdenttiń aıtýynsha, Qazaq elinde júrgizilip jatqan reformalardyń kún tártibinde qazirgi, tipti keleshektegi yqtımal jahandyq syn-qaterler tolyq meılinshe eskerilgen.
— Bul — asa mańyzdy. Basqasha aıtqanda, sol synaqtardy eńserý úshin aldyn alý sharalary qabyldanady, — dedi Memleket basshysy.
Aıta keteıik, búgin Astanada Prezıdenttiń qatysýymen birinshi shaqyrylymdaǵy QR Quryltaıynyń birinshi sessııasy ashyldy.
