Toqaev: Aýyl sharýashylyǵyn jemqorlar men alaıaqtar ıemdenip keldi

BÝRABAI. KAZINFORM – Qazaqstan aldaǵy bes jylda aýyl sharýashylyǵynyń jalpy ónimin eki ese kóbeıtip, salanyń eńbek ónimdiligin úsh ese arttyrý kerek.  Ulttyq quryltaıdyń ІV otyrysynda Memleket basshysy Qasym-Jomart Toqaev Úkimettiń aldyna osyndaı  mindet qoıdy. 

- Qazaqstannyń aýyl sharýashylyǵyndaǵy áleýeti zor ekeni belgili. Endi sony tıimdi paıdalanatyn kez keldi. Elimizdiń áýelgi múmkindikterine qarasaq, biz áldeqashan álemdegi alpaýyt agrarlyq memlekettiń biri bolýǵa tıis edik. Biraq aýyl sharýashylyǵyna jetkilikti qarjy salynǵan joq. Bul salany jemqorlar men alaıaqtar ıemdenip keldi. Olardyń ishinde memlekettik qyzmetshiler de boldy. Jalǵan málimetterdiń kesirinen memleket qaǵaz júzindegi mal sanyna jyldar boıy sýbsıdııa tóledi, - dedi Memleket basshysy.

Qasym-Jomart Toqaev osy qordalanǵan máseleniń bárin sheshý úshin kóp jumys jasalyp jatqanyn atap ótti.

- Biz aldaǵy bes jylda aýyl sharýashylyǵynyń jalpy ónimin eki ese kóbeıtip, osy saladaǵy eńbek ónimdiligin úsh ese arttyrýymyz kerek. Bul – óte mańyzdy mindet. Qazaqstan 10 jyl ishinde bıdaıdy tereń óńdep, daıyn ónim óndiretin jáne ony álemdik naryqqa shyǵaratyn eń úzdik on eldiń qataryna qosylýǵa tıis, - dedi Prezıdent.

Aıta ketý kerek, quryltaıdyń paneldik sessııalary keshe bastalǵan. Ol sektsııalardyń taqyryptary azamattyq qoǵam, mádenıet, óner, rýhanııat, bilim jáne ǵylym, áleýmettik-ekonomıkalyq damý máselelerin qamtydy.