Toqaev atom energetıkasyn damytý jumystaryn baqylaýda ustaýdy tapsyrdy
ASTANA. KAZINFORM — Memleket basshysy Atom energııasy jónindegi agenttiktiń tóraǵasy Almasadam Sátqalıevti qabyldady.
Aqordanyń baspasóz qyzmetiniń habarlaýynsha, Prezıdent Qasym-Jomart Toqaevqa agenttiktiń 2026 jyly atqarǵan jumysynyń negizgi nátıjeleri týraly esebi tanystyryldy.
Memleket basshysyna atom ónerkásibi men energetıka jóninde málimet berildi.
Atap aıtqanda, AES qurylysy, atom ǵylymy men ınnovatsııalardy damytý, maman daıarlaý jáne saladaǵy jobalardyń otandyq úlesin arttyrý máseleleri kóterildi.
Semeı ıadrolyq qaýipsizdik aımaǵyn qurý, radıoaktıvti qaldyqtardy basqarý júıesin jetildirý, ıadrolyq jáne radıatsııalyq qaýipsizdik salasyndaǵy normatıvtik-quqyqtyq bazany nyǵaıtý máselelerine erekshe nazar aýdaryldy.
Kezdesý sońynda Prezıdent ulttyq atom energetıkasyn ilgeriletý máselelerin aıryqsha baqylaýda ustaýdy, sondaı-aq Atom salasynyń damý strategııasy aıasynda aıqyndalǵan mindetterdi júzege asyrý jóninde ýaqtyly sharalar qabyldaýdy tapsyrdy.
