Toqaev: Astana nóser jańbyrǵa daıyn emes
ASTANA. QazAqparat - Senat tóraǵasy Qasym-Jomart Toqaev nóser jańbyrdan keıin Astananyń keı tustaryn sý alyp ketýge qatysty shuǵyl sharalar qabyldaýdy talap etti, dep habarlaıdy QazAqparat.
«Prezıdenttiń tapsyrmasyna qaramastan, Astana nóser jańbyrǵa jáne basqa da tabıǵı qubylystaryna udaıy daıyn emes. Sodan Astana turǵyndary zardap shegýde jáne onyń halyqaralyq abyroıyna nuqsan kelýde. Bul máseleni elordanyń 20 jyldyǵyna deıin sheshý kerek edi. Senatorlar shuǵyl sharalar qabyldaýdy talap etedi», - dep jazdy Qasym-Jomart Toqaev Týıtterdegi paraqshasynda.
Aıta keterligi, qala ákimdiginiń málimetinshe Astanada 20 tamyzdan 21-ine qaraǵan túni jańbyrdyń bir aılyq mólsheri jaýǵan.
