Toqaev Astana ákimine Smart City jobasyn tezdetip aıaqtaýdy tapsyrdy
ASTANA. KAZINFORM — Bul týraly Memleket basshysy Qasym-Jomart Toqaev Astanany damytý jónindegi keńeste aıtty.
Qasym-Jomart Toqaev Astana ákimine Smart City jobasyn tezdetip aıaqtaýdy tapsyrdy
— Buǵan deıin meniń tapsyrmam boıynsha Astanada Smart City jobasy qolǵa alyndy. Jaqyn arada Jedel basqarý ortalyǵy iske qosylady. Qaladaǵy beınekameralardyń jumysy jáne basqa da qyzmetter osy ortalyqtan basqarylady. Bul júıe túrli qaýip-qaterge der kezinde nazar aýdarýǵa jáne keleńsiz oqıǵalardyń aldyn alýǵa múmkindik beredi. Qazir platformany iske qosý úshin Derekterdi taldaý ortalyǵy salynyp jatyr. Osy tsıfrlyq ınfraqurylymdy quqyq qorǵaý organdary da qoldana alady. Sol arqyly qalanyń qaýipsizdigin kúsheıtýge múmkindik týady, — dedi Memleket basshysy.
«Zań jáne tártip» qaǵıdaty is júzinde jumys isteýge tıis.
— Astana ákimine osy sharýany tezdetip aıaqtaýdy tapsyramyn. Elimizdegi basqa qalalar da osyndaı platformany engizýge tıis. Bul jumysty Jasandy ıntellekt jáne tsıfrlyq damý mınıstrligi úılestirýi kerek, — dedi Prezıdent.
Aıta ketelik Astananyń 2024 jylǵy óńirlik jalpy ónim kólemi 15 trıllıon teńgeden asty.
