Toqaev: «Ashyq ákimdik» halyq pen memleket arasyndaǵy kedergilerdi joıady
«Ulttyq keńes músheleri kúndelikti «Ashyq ákimdik» tájirıbesin taratýdy usynyp otyr. Shynynda da, biz basqarýshylyq mádenıettiń jańa standartyna shyǵýymyz kerek. «Ashyq ákimdik» jergilikti bılikke qoǵamdyq úshin servıstik sıpattamaǵa ıe bolýǵa jol ashyp, halyq pen memleket arasyndaǵy kedergilerdi joıady. Alda bizdi shydamdy, ózara syılastyqty talap etetin jaýapty ári kúrdeli jumys kútip tur. Ózimniń Joldaýymda men qoǵamdyq júıeni modernızatsııalaý jolyn jalǵastyrýdy tapsyrdym. Qoǵamdyq saıası ómirdi transformatsııalaýsyz ekonomıkalyq reformalardy júrgizý múmkin emes ekeni belgili», - dedi Prezıdent elordada ótip jatqan Ulttyq qoǵamdyq senim keńesiniń alǵashqy otyrysynda.
Eske sala ketsek, búgin elordada Ulttyq qoǵamdyq senim keńesiniń alǵashqy otyrysy ótip jatyr. Otyrysqa Qazaqstan Prezıdenti Qasym-Jomart Toqaev qatysýda.
Ulttyq keńestiń quramy belgili memleket jáne qoǵam qaıratkerleriniń, saıası partııalar, úkimettik emes sektor ókilderiniń qatarynan qalyptastyrylady. Qazaqstan Respýblıkasy Prezıdenti Ákimshiliginiń Basshysy, Qazaqstan Respýblıkasyndaǵy Adam quqyqtary jónindegi ýákil, Qazaqstan Respýblıkasyndaǵy Bala quqyqtary jónindegi ýákil, Qazaqstan kásipkerleriniń quqyqtaryn qorǵaý jónindegi ýákil óz laýazymdaryna sáıkes Ulttyq keńestiń quramyna kiredi.