Toqaev: Arzan energııa, memlekettiń qoldaýy jáne básekege qabiletti eńbek quny usynystyń tıimdiligin arttyrady
Qazaqstan Prezıdenti Berlin Global Dialogue forýmynda sóılegen sózinde arzan energııa, memlekettiń qoldaýy jáne básekege qabiletti eńbek quny usynystyń tıimdiligin arttyratynyn aıtty, dep habarlaıdy QazAqparat.
«Qazaqstan aımaqta birinshi bolyp Parıj kelisimin ratıfıkatsııalady jáne 2060 jylǵa qaraı kómirtegi beıtaraptyǵyna qol jetkizý strategııasyn qabyldady. Germanııa men Shvetsııanyń birlesken Svevind kompanııasy jylyna 2 mıllıon tonna «jasyl» sýtegin óndirýge baǵyttalǵan Qazaqstandaǵy jobasyna 50 mıllıard dollar ınvestıtsııa salyp otyr. Budan bólek, shıkizat pen rýdany jergilikti jerde óńdep, sodan keıin Eýropa Odaǵyna múshe elderge eksporttaýǵa daıyn kásiporyndar úshin ınvestıtsııalyq múmkindikterge jol ashylady. Arzan energııa, memlekettiń qoldaýy jáne básekege qabiletti eńbek quny bul usynystyń tıimdiligin arttyra túsedi», - dedi Qasym-Jomart Toqaev.
Ol byltyr óziniń bastamasymen birinshi Astana halyqaralyq forýmyn ótkenin eske saldy.
"Bul biregeı ári ınklıýzıvti alań geosaıası turǵydan jikke bólinip jatqan jaǵdaıda jahandyq yntymaqtastyq pen dıalogty ilgeriletý úshin quryldy. Berlin Global Dialogue jáne Astana halyqaralyq forýmy – Eýropa men Eýrazııadaǵy halyqaralyq dıalog úshin mańyzdy alańdar. Olar ózderiniń jahandyq problemalardy sheshýge baǵyttalǵan kúsh-jigerin jandandyra alady dep úmittenemin», - dedi Prezıdent.
