Toqaev AÓSShK-niń Qarjy sammıtin turaqty alańǵa aınaldyrýdy usyndy

ASTANA. QazAqparat – AÓSShK keńistiginde iri qarjy ortalyqtary tabysty jumys istep jatyr. Bul týraly Astanadaǵy Azııadaǵy ózara is-qımyl jáne senim sharalary keńesiniń sammıtinde Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.

«AÓSShK-niń Qarjy sammıtin turaqty alańǵa aınaldyrýdy usynamyn. Qarjy sammıti Qytaı Halyq Respýblıkasynyń bastamasymen AÓSShK-ge múshe memleketterdiń qarjy salasyndaǵy yntymaqtastyǵyn jandandyrý maqsatynda ótti. Qarjy sammıtiniń transformatsııasy ekonomıkany qalpyna keltirýge, onyqty ári ınklıýzıvti damýǵa, Keńes aıasynda óńirlik jáne sýbóńirlik qarjylyq yntymaqtastyq úshin qolaıly jaǵdaılar jasaýǵa yqpal etedi», - dedi Qasym-Jomart Toqaev.

Osy oraıda Memleket basshysy, AÓSShK keńistiginde, ıaǵnı Shanhaıda, Dýbaıda jáne Astanada iri qarjy ortalyqtary tabysty jumys istep jatqanyn atap ótti.

«Belgilengen mindetterdi sheshý úshin olardyń áleýetin tolyqqandy paıdalanýǵa bolady», - dedi Prezıdent.