Toqaev Aljır Prezıdentin Revolıýtsııa kúnimen quttyqtady
ASTANA. KAZINFORM – Memleket basshysy Qasym-Jomart Toqaev Aljır Prezıdenti Ábdelmájıd Tebbýnǵa quttyqtaý jedelhatyn joldady, dep habarlaıdy Aqorda.
Qasym-Jomart Toqaev Ábdelmájıd Tebbýndy Aljır Halyq Demokratııalyq Respýblıkasynyń ulttyq meıramy – Revolıýtsııa kúnimen quttyqtady.
Prezıdent dostyq pen ózara túsinistikke negizdelgen yntymaqtastyq qos halyqtyń ıgiligi jolynda udaıy damı beretinine senim bildirdi.
Qasym-Jomart Toqaev Ábdelmájıd Tebbýnnyń jaýapty qyzmetine tabys, al Aljır halqyna qut-bereke tiledi.
Aıta keteıik, buǵan deıin Qasym-Jomart Toqaev bıyl 5 shildede Aljır Prezıdenti Ábdelmájıd Tebbýndy eldiń Táýelsizdik kúnimen quttyqtaǵan edi. Memleket basshysy jedelhatynda Aljırdi arab álemindegi Qazaqstannyń senimdi seriktesteriniń biri retinde atap ótken bolatyn.
