Toqaev «Altyn sapa» jáne «Paryz» syılyǵynyń ıegerlerin marapattady
ASTANA. KAZINFORM — Prezıdent Qasym-Jomart Toqaev «Altyn sapa» jáne «Paryz» baıqaýlaryna qatysqan kásipkerlerdiń barlyǵyna alǵys aıtyp, laýreattardy marapattady, dep habarlaıdy Aqordanyń baspasóz qyzmeti.
Shaǵyn jáne orta bıznes sýbektileri arasynda «Paryz» syılyǵy Soltústik Qazaqstan oblysynyń «Aq-Nıet-Agro» jaýapkershiligi shekteýli seriktestigine tabystaldy.
Al iri bıznes ókilderi ishinen Ulytaý oblysyndaǵy «Qazaqmys» korporatsııasy laıyq dep tanyldy.
«Altyn sapa» syılyǵyna «Úzdik ındýstrıaldyq joba» atalymy boıynsha «Karlskrona LC AB» (Shymkent qalasy), «Úzdik ınnovatsııalyq joba» atalymy boıynsha «AG TECH» (Astana qalasy) kompanııalary ıe boldy.
Shara sońynda Memleket basshysy «Altyn sapa» jáne «Paryz» syılyǵynyń laýreattarymen, «Qazaqstannyń úzdik taýary» respýblıkalyq kórme-konkýrsynyń jeńimpazdarymen sýretke tústi.
Budan buryn Prezıdent elimizde tabysty bıznespen aınalysýǵa qolaıly jaǵdaı jasalǵanyn aıtty.
Sonymen qatar Toqaev el Prezıdenti retinde kásipkerlerge shynaıy qurmetpen qaraıtynyn jetkizdi.
Memleket basshysy shaǵyn bıznesti qoldaýdyń biryńǵaı baǵdarlamasyn jedel qabyldaýdy tapsyrdy.
Bıyl «Báıterek» holdıngi arqyly ShOB-ty qoldaý kólemi shamamen eki trln teńgege jetkeni anyqtaldy.