Toqaev Almatydaǵy kólik keptelisin sheshýdiń joldaryn atady
ALMATY. QazAqparat - Qazaqstan Prezıdenti Qasym-Jomart Toqaev Almatyda perspektıvaly kólik túrlerin damytý qajettigi týraly aıtty, dep habarlaıdy QazAqparat tilshisi.
«Sońǵy jyldary kólik ınfraqurylymyn damytý úshin kóp jumystar isteldi. Alaıda, birqatar kúrdeli máseleler bar. Kún saıyn 700 myńǵa jýyq avtokólik qala kóshelerimen júredi. Mıllıonnan astam adam tasymaldanady. Kúnde qalaǵa 200 myńnan astam avtokólik Qaskeleń, Qapshaǵaı, Talǵar jáne Qulja tas joly arqyly kiredi. Bul Almatynyń kire berisinde, ásirese tańǵy ýaqytta keptelis týdyrady. Bul problema joldardy qaıta qurý jáne keńeıtý arqyly ǵana emes, sonymen qatar perspektıvaly kólikti damytý arqyly sheshilýi tıis. Máselen, metro jelileri sanynyń arttyrý qajet. Sondaı-aq, qalaǵa jaqyn aýdandardy baılanystyratyn qoǵamdyq kólikti damytý kerek», - dedi Prezıdent Almaty qalasynyń áleýmettik-ekonomıkalyq damýyna arnalǵan keńeste.
Memleket basshysy, jańa zamanaýıı kólik big data smart-aqyldy tehnologııalar negizinde qurylýy kerek ekenin atap ótti.
«Qoǵamdyq kólik jolaýshylaryna yńǵaıly bolý úshin aıaldamalarǵa aqparat taqtalaryn ornatý kerek, sonymen qatar smartfondarǵa taǵy da qosymshalar ázirleý kerek», - dedi Toqaev.
