Toqaev: Almatyda emhanalar men aýrýhanalar ábden eskirgen
«Qaladaǵy densaýlyq saqtaý salasy týraly aıtsaq, mundaǵy negizgi mindet – ınfraqurylymdy damytý jáne qyzmet kórsetý sapasyn arttyrý. Almatyda emhanalar men aýrýhanalar ábden eskirgen. Turǵyn úıler salǵan kezde áleýmettik nysandar durys josparlanbaıdy. Al, bul aldymen turǵyndardyń ómirine teris áser etedi. ıAǵnı, turǵyndarǵa kórsetiletin qyzmettiń qoljetimdi bolýyna, jedel járdemniń der kezinde kómekke kelýine kedergi keltiredi.
Ákimdik jańa medıtsınalyq nysandar salyp, jańǵyrtý úshin arnaıy jospar ázirleýi kerek. Bul sharalar ana men bala ólimin azaıtyp, azamattardyń aýyr dertten saqtanýyna múmkindik beredi. Sonymen qatar, alǵashqy dárigerlik-sanıtarlyq kómek júıesin damytý qajet. Kelesi jyly halyqaralyq deńgeıdegi kópbeıindi aýrýhana qurylysyn bastaý kerek. Jobany memleket pen bıznestiń seriktestigi arqyly júzege asyrǵan jón», - dedi Memleket basshysy.
Q.Toqaev shahardyń qurylysy qarqyn aýdandarynda perzenthanasy bar aýrýhanalar salý kerektigin atap ótti.
«Qalanyń qarqyndy ósip kele jatqan aýdandarynda perzenthanasy bar aýrýhanalar salý kerek. Halyqtyń densaýlyǵyn saqtaý úshin naýqastardy emdeýmen qatar, aýrýdyń aldyn alý óte mańyzdy. Osy oraıda, qala turǵyndarynyń salamatty ómir saltyn ustanýyna jaǵdaı jasaý qajet.
Qazirgi tańda almatylyqtardyń úshten biri ǵana dene shynyqtyrýmen aınalysady. Jalpy, damyǵan qalalarda salamatty ómir saltynyń ınfraqurylymy degen uǵym bar. Almatynyń barlyq aýdandarynda osyndaı ınfraqurylym salynýy kerek. Qazir qaladaǵy sport nysandary negizinen ortalyqta ornalasqan. Shettegi aýdandarda múldem jetispeıdi. Sondyqtan, ákimdikke jyl saıyn keminde 3 deneshynyqtyrý-saýyqtyrý keshenin salýdy tapsyramyn», - dedi Prezıdent.