Toqaev Almaty oblysyn gazdandyrý jumysyn tekseretindigin eskertti

NUR-SULTAN. QazAqparat - Bıyl Almaty oblysy halqynyń 56 paıyzyna kógildir otyn beriledi. Bul týraly Úkimettiń keńeıtilgen otyrysynda atalǵan óńirdiń ákimi Amandyq Batalov málim etti, dep habarlaıdy QazAqparat tilshisi.

Onyń aıtýynsha, Almaty oblysyn gazdandyrý jumysy qolǵa alynǵan óńirdiń nebári 9-11 paıyzy ǵana kógildir otynnyń qyzyǵyn kórip otyrǵan. Qazirgi ýaqytta oblys ákimdigi Úkimettiń qoldaýymen Almatydan Taldyqorǵanǵa deıin 250 shaqyrymdyq negizgi magıstraldy gaz qubyryn tartý jumysyn aıaqtaǵan. Munan bólek óńirdiń óz qarajaty esebinen Tekeli qalasyna deıin gaz qubyry tartylyp, jol boıyndaǵy Eskeldi bı aýdany qamtylǵan. Jarkent, Shonjy, Baqanas, Saryózek, Úshtóbege deıin gaz qubyry jetkizilgen. Qazirgi ýaqytta Taldyqorǵan qalasyna gaz qubyryn tartý jumystary qolǵa alynyp otyr.

«Bıyl 1 mln 400 myń adamǵa gaz jetkizip beremiz. ıAǵnı oblys halqynyń 56 paıyzy kógildir otynǵa qol jetkizetin boldy», - dedi Almaty oblysynyń ákimi jıynǵa tóraǵalyq etip otyrǵan Memleket basshysy Qasym-Jomart Toqaevqa qarata.

Óz kezeginde Qasym-Jomart Toqaev oblys ákiminiń derekterin naqtylap taǵy bir suraı kele: «Jaqsy jyldyń ekinshi jartysynda baramyn. Kóremiz onyń bárin», - dep eskertti.