Toqaev áleýmettik tólemdi negizsiz alǵan alaıaqtarǵa qatysty pikir bildirdi
NUR-SULTAN. QazAqparat – Prezıdent Qasym-Jomart Toqaev 42500 teńgelik áleýmettik tólemdi negizsiz alǵan alaıaqtardy shekteý kerektigin aıtty, dep habarlaıdy QazAqparat.
«Azamattar bizdiń elimizde tótenshe jaǵdaıdyń engizilýine baılanysty tek qarjylyq qıyndyqqa dýshar bolǵan adamdarǵa kómek beriletinin túsinýi kerek. Sol sebepti kirisi jetkilikti adamdardy negizsiz qoldaý tetikteriniń jolyn kesý kerek. Alaıaqtar men tártip buzǵan adamdardy qoǵamnyń aldynda betin ashyp, ornyna qoıý kerek», - dedi Memleket basshysy Qasym-Jomart Toqaev Tótenshe jaǵdaı rejımin qamtamasyz etý jónindegi memlekettik komıssııanyń otyrysynda.
