Prezıdent: Aldymyzda óte jaýapty kezeń tur
ASTANA. KAZINFORM — Prezıdent Qasym-Jomart Toqaev bir top qoǵam qaıratkerin memlekettik nagradalarmen marapattaý barysynda qazir Qazaqstan jan-jaqty jańǵyrý jolyna túsip, elimizde túbegeıli ózgerister jasalyp jatqanyna nazar aýdardy. Bul týraly Aqorda málim etti.
— Ult taǵdyryn aıqyndaıtyn tarıhı sheshimder qabyldandy. Biz birtutas qoǵam bolyp jalpyulttyq referendým ótkizdik, jańa Konstıtýtsııamyzdy qabyldadyq. Azamattarymyz jańa Ata zańdy biraýyzdan qoldap, daýys berdi. Qazaqta «Bereke bastaýy — birlik» degen jaqsy sóz bar. Biz yrysty yntymaǵymyzdy saqtaı bilsek, elimiz de ósip-órkendeı beredi. Kóp uzamaı Qazaqstan tarıhynda alǵash ret Quryltaı saılaýy ótedi. Bul el ómirindegi mańyzdy oqıǵa bolmaq. Qazir naýqan belsendi ótip jatyr. Partııalar saıası mádenıettiń ozyq úlgisin kórsetýde. Aldymyzda óte jaýapty kezeń tur. Ult bolyp uıysyp, bir el bolyp jumyla eńbek etemiz dep senemin, — dedi Qasym-Jomart Toqaev.
Aıta keteıik, Qasym-Jomart Toqaev bir top qoǵam qaıratkerin memlekettik nagradalarmen marapattady.
