Toqaev Alataýdyń áleýmettik ınfraqurylymyn kúsheıtýdi tapsyrdy
QONAEV. KAZINFORM – Memleket basshysy áleýmettik jáne týrıstik ınfraqurylymdy qarqyndy túrde damytý qajet ekenin aıtty. Bul týraly Aqordanyń baspasóz qyzmeti habarlady.
— Bul salada naqty atqarylǵan jumys joq dep aıtsaq, qatelespeımiz. Al qazirgi tańda týrızm ınvestıtsııalyq tartymdylyqtyń óte mańyzdy bóligi. Bas josparǵa sáıkes, 2050 jylǵa qaraı qala halqynyń sany eki mıllıonnan asyp ketýi múmkin, ábden yqtımal. Mundaı ósim ınjenerlik jelimen qatar áleýmettik ınfraqurylymǵa zor salmaq túsiretini anyq, — dedi Prezıdent.
Ol Alataýda jańa áleýmettik nysandar óte az ekenin atap ótti.
— Qazir Alataýda jańa áleýmettik nysandar óte az. Soǵan qaramastan kásipkerler bul ınfraqurylymǵa qarjy salýǵa daıyn.
Alataý qalasyn damytý jónindegi keńes jáne qala ákimshiligi ınvestıtsııany qaıtarýdyń ádis-tásilderi men merzimderi aıqyndalǵan naqty erejeler ázirleýge tıis. Bul qujatta ózara júkteme ádil bólinip, barlyq syn-qaterler eskerilýi kerek, — dedi Memleket basshysy.
Aıta ketelik Memleket basshysy Alataý qalasynyń damý barysymen tanysqan edi.
