Toqaev Alatau City jobasyndaǵy jer máselesin shuǵyl sheshýdi tapsyrdy
QONAEV. KAZINFORM — Memleket basshysy qurylysty tolyq ári qarqyndy júrgizý úshin jer máselesin shuǵyl sheshý kerek ekenin aıtty. Bul týraly Aqordanyń baspasóz qyzmeti habarlady.
— Jumysty durys uıymdastyrsaq, Alatau city jobasy qurylysqa jáne jalpy el ekonomıkasyna myqty serpin beretini anyq.
Qurylysty tolyq ári qarqyndy júrgizý úshin jer máselesin shuǵyl sheshý kerek.
Almaty oblysynyń jeri óte shuraıly ekeni barshaǵa málim. Qaladaǵy jáne irgeles aýmaqtaǵy jer telimderiniń kópshiligi jeke menshikte nemese uzaq merzimge jalǵa berilgen. Olardyń basym bóligi áli kúnge deıin ıgerilmeı jatyr, — dedi Prezıdent.
Qasym-Jomart Toqaev qurylysy bastalǵan jobalardyń sany josparǵa saı emes, ıaǵnı, áldeqaıda az ekenin aıtty.
— Memleket qajetti nysandar salyp, ınvestıtsııalyq jobalardy júzege asyrý úshin jer telimderin satyp alýǵa májbúr bolyp otyr. Bul jaǵdaı búkil jumysqa úlken kedergi keltirip otyr.
Ókinishke qaraı, qurylysy bastalǵan jobalardyń sany josparǵa saı emes, ıaǵnı, áldeqaıda az. 2024-2025 jyldardyń ózinde qoldanylmaı jatqan 16 myń gektardan astam jer anyqtaldy. Biraq onyń bar-joǵy 688 gektary ǵana memleketke qaıtaryldy. Bul jumys kópten sheshimin tappaı kele jatqan shekteýler men rásimdik kedergilerge baılanysty óte baıaý júrip jatyr.
Osy másele boıynsha bılik mekemeleriniń qaýqarsyzdyq kórsetýge haqy joq, — dedi ol.
Aıta ketelik Memleket basshysy Alataý qalasynyń damý barysymen tanysqan edi.
