Toqaev: «Áke týraly oı-tolǵaý» kitabymnyń jelisimen kıno túsirýdi eshkimge tapsyrǵan joqpyn

NUR-SULTAN. QazAqparat – «Qazaqstan» telearnasyna suhbat bergen QR Prezıdenti Qasym-Jomart Toqaev «Áke týraly oı-tolǵaý» kitaby jelisinde kıno túsirýge tapsyrma bermegendigin aıtty, dep habarlaıdy QazAqparat tilshisi.

Suhbat barysynda telearna tilshisi: «Qasym-Jomart Kemeluly, Sizdiń «Áke týraly oı-tolǵaý» kitabyńyzdyń jelisi boıynsha bir prodıýserlik ortalyq kıno túsirgeli jatyr eken. Osyǵan qatysty ne aıtasyz?», - dep suraǵan edi.

«Meniń kitabymdaǵy oqıǵalardyń negizinde kıno túsirgeli jatqanyn oqydym. Bul týraly eshkimge eshqandaı tapsyrma bergen joqpyn. Bermeımin de. Mundaıdy qalamaımyn. Biraq, ózim jazǵan «Áke týraly oı-tolǵaý» kitabynan bas tartpaımyn, mazmundy týyndy dep esepteımin. Sebebi, jastarǵa da paıdaly dúnıe. Bul – meniń áke-sheshe aldyndaǵy perzenttik boryshym»,- dep jaýap berdi Memleket basshysy.