Toqaev: 2030 jylǵa qaraı energııa tapshylyǵy problemasyn sezinemiz
«Jeke toqtalǵym keletin taǵy bir másele – álem ónerkásip pen ekonomıkany ekologııalandyrý jaǵyna qaraı jyljyp keledi. Búginde bul – jaı sóz emes, salyqtar, bajdar, tehnıkalyq retteý sharalary túrindegi naqty sheshimder. Biz de budan shet qala almaımyz. Munyń barlyǵy bizge tikeleı, eksport, ınvestıtsııalar jáne tehnologııalar transferti arqyly áser etedi. Bul Qazaqstannyń turaqty damý máselesi desek, asyra aıtqandyq emes. Sondyqtan men 2060 jylǵa qaraı kómirtegi óndirisinen beıtaraptyqqa qol jetkizý mindetin qoıdym», - dedi Prezıdent Parlament palatalarynyń birlesken otyrysynda.
Onyń aıtýyna qaraǵanda, bul baǵytta óte pragmatıkalyq jumystar jasalýy kerek.
«Halyq sany men ekonomıka ósip keledi. Al sapaly ósý úshin energııa qajet. Kómir dáýiri birtindep aqtalyp kele jatqandyqtan, jańǵyrtylatyn energııadan bólek senimdi bazalyq generatsııa kózderi týraly oılanýǵa týra keledi. 2030 jylǵa qaraı Qazaqstanda elektr energııasynyń tapshylyǵy seziledi. Álemdik tájirıbe eń ońtaıly joldy usynyp oty, bul – beıbit atom», - dedi Memleket basshysy.
Qasym-Jomart Toqaev Úkimetke bul isti «Samuryq-Qazynamen» birlesip zerdeleýdi tapsyrdy.
«Másele ońaı emes, sondyqtan ony sheshýge barynsha ustamdy, emotsııasyz qaraý kerek. Bir jyl ishinde Úkimet pen «Samuryq-Qazyna» Qazaqstanda qaýipsiz ári ekologııalyq atom energetıkasyn damytý múmkindigin zerdeleýge tıis. Bul máseleni ınjenerlik isti damytý, elimizde bilikti atom ınjenerleriniń jańa býynyn qalyptastyrý turǵysynan da qarastyrý qajet», - dep túıindedi óz sózin.
