Toqaev: 15 myń ıadrolyq qarý sanaýly mınýtta iske qosylýy múmkin

NUR-SULTAN. QazAqparat– QR Prezıdenti Qasym-Jomart Toqaev Taıaý Shyǵys pen Koreı túbegindegi jaǵdaıǵa alańdaýshylyq bildirdi, dep habarlaıdy QazAqparat tilshisi.

«Qazaqstannyń ıadrolyq qarýsyzdaný jáne ony taratpaý salasyndaǵy biregeı saıasaty shyn máninde álemdik tarıhta teńdessiz bolyp sanalady. Ókinishke oraı, barlyq elder bizdiń bul tájirıbemizdi qoldana almady. Sol sebepten ıadrolyq qaýip-qater saqtalyp otyr. BUU derekteri boıynsha, búgin álemde 15 myń ıadrolyq qarý birligi saqtalyp otyr», - dedi Memleket basshysy búgin elordada «ıAdrolyq qarýsyz álem jáne jahandyq qaýipsizdik úshin Nazarbaev syılyǵyn» tapsyrý rásiminde.

Q.Toqaevtyń sózinshe, júzdegen ıadrolyq qarý sanaýly mınýttar ishinde iske qosylýy múmkin.

«Bul jaǵdaı halyqaralyq qatynastar men qaqtyǵystyq áleýettiń ulǵaıýymen ýshyǵa túsedi. Taıaý Shyǵystaǵy, Koreı túbegindegi jaǵdaılar alańdaýshylyq týǵyzady. Sondaı-aq, Irandyq ıadrolyq baǵdarlama boıynsha birlesken jalpyǵa ortaq is-qımyldar jospary men «Orta jáne shaǵyn qashyqtyqtaǵy zymyrandardy joıý týraly» sharttyń taǵdyry anyq bolmaı tur», - dedi QR Prezıdenti.