Toǵjanov Jer reformasy jónindegi komıssııanyń bes otyrysynyń qorytyndysyn shyǵardy
«Komıssııanyń 5 otyrysy, jumys toptarynyń 7 otyrysy ótti. Osy qysqa merzimniń ishinde 100-den asa suraq qaraldy. Komıssııanyń otyrystary ashyq túrde ótkenine ózderińiz de kýásizder. Birde-bir máseleni tyqpalaǵan joqpyz, birde-bir máseleni jasyrǵan joqpyz. Onlaın translıatsııa arqyly barsha halyqqa taratyldy. Komıssııanyń sóıleımin degen árbir múshesine tolyqtaı múmkindik berildi», - dedi ol.
Úkimet basshysynyń orynbasarynyń aıtýynsha, komıssııa otyrystarynda barlyǵy 113 usynys engizildi. 20-sy boıynsha naqty sheshim qabyldandy. 28 suraq boıynsha usynymdar komıssııanyń jumys qorytyndysy boıynsha ázirlenetin zań jobasy aıasynda Parlamentke joldanady. 47 usynys memlekettik organdarǵa naqty is-sharalar qabyldaý úshin joldandy.
«18 suraq zańnamada sheshimi bolýyna baılanysty komıssııanyń qaraýynan alynyp tastaldy. Ol jaı ǵana alynyp tastalǵan joq, talqylaý 3, 4, 5 saǵatqa deıin júrgizildi. Komıssııanyń usynymdary negizginde arnaýly zań jobasy ázirlenip, belgilengen tártippen kelesi aıda Parlamentke engiziletin bolady. Komıssııanyń jekelegen músheleri osy zań jobasyn Parlament qabyrǵasynda qaraý kezinde jumys toptaryna qatysýǵa tolyqtaı múmkindik alady. Aıtylǵan sózderimiz dalada qalmaıdy», - dedi Eraly Toǵjanov.
