Toǵjanov: Ákimdikter vaktsınatsııalaýǵa jatatyn halyqqa túsindirý jumystaryn júrgizýi tıis
NUR-SULTAN. QazAqparat – Ákimdikter vaktsınatsııalaýǵa jatatyn halyqtyń sanattarymen naqty túsindirý jumystaryn júrgizýi qajet. Bul týraly búgin Úkimet otyrysynda QR Premer-Mınıstriniń orynbasary Eraly Toǵjanov aıtty, dep habarlaıdy QazAqparat tilshisi.
«Barlyq ákimderden halyqty jappaı vaktsınatsııalaý jumysyn pysyqtaýdy suraımyz. Qyzyl aımaqtaǵy óńirlerdi jáne adam sanyn eskere otyryp, búgin vaktsına kólemin ulǵaıtý jónindegi sheshim qabyldadyq. Onyń ishinde osy aıda Almaty qalasyna 464 myń, Nur-Sultan qalasyna 284 myń, Shymkent qalasyna 172 myń, Almaty oblysyna 232 myń jáne Qaraǵandy oblysyna 217 myń vaktsına bólý týraly sheshim qabyldadyq. Bul baǵyttaǵy jumys ary qaraı da júrgiziledi», - dedi ol.
Sonymen qatar Eraly Toǵjanov ákimdikter vaktsınatsııalaýǵa jatatyn halyqtyń sanattarymen naqty túsindirý jumystaryn júrgizýi tıistigin basa aıtty.
«Aýyldyq jerler men eńbek ujymdaryn qamtý úshin jyljymaly egý beketterin uıymdastyrý jáne olardyń tıisti jabdyqtarmen qamtamasyz etýdi jalǵastyrý kerek», - dedi Úkimet basshysynyń orynbasary.
