Toǵyzynshy qabattan qulaǵan eki jasar bala aman qaldy
MÁSKEÝ. QazAqparat – Máskeý oblysyndaǵy Balashıha qalasynda toǵyzynshy qabattan qulaǵan eki jasar bala aman qaldy, dep habarlaıdy QazAqparat TASS agenttigine silteme jasap.
«22 shilde kúni Balashıhada bıikten qulap jaraqat alǵan eki jasar bala aýrýhanaǵa jetkizilgen. Oqıǵa ornyn teksergen tergeýshiler sábıdiń toǵyzynshy qabattaǵy páterdiń terezesinen qulap ketkenin anyqtady», - deıdi Máskeý oblysy boıynsha Tergeý komıtetiniń Bas tergeý basqarmasynyń ókili Olga Vradıı.
Bala qulaǵan kezde páterde sheshesi, 2014, 2016 jylǵy eki ápkesi jáne 2019 jyly týǵan inisi bolǵan.
Qazir tergeýge deıingi tekseris júrip jatyr.
