Toǵyzqumalaqtan onlaın jarys ótedi
NUR-SULTAN. QazAqparat - Toǵyzqumalaq sporty Federatsııasy eldegi karantınge baılanysty jáne Mádenıet jáne sport mınıstrliginiń «Birge eńseremiz» atty jobasy aıasynda toǵyzqumalaqtan Qazaqstannyń erler men áıelder arasyndaǵy ulttyq qurama komandalary arasynda onlaın júıede joldastyq kezdesýdi ótkizedi, dep habarlaıdy QazAqparat tilshisi.
Joldastyq kezdesýge erler qurama komandasynan - Ǵalymjan Temirbaev (Qazaqstan Respýblıkasynyń Eńbek sińirgen sport sheberi, 4 dúrkin Álem chempıony); Nurbek Qabıev (2 dúrkin Álem chempıony, Azııa chempıony); Janat Qaımoldın (Álem chempıonatynyń júldegeri, Azııa chempıony); Beksultan Bostandyqov (Álem chempıonatynyń júldegeri, ashyq Azııa Kýbogynyń jeńimpazy); Azamat Qaıdarov (ashyq Eýropa kýbogynyń jeńimpazy, QR chempıony) qatysady.
Joldastyq kezdesýge áıelder qurama komandasynan - Saltanat Saparbekova (Álem chempıony, Azııa chempıonatynyń júldegeri); Gúljanat Aldabergenova (Álem chempıony, Azııa chempıony); Roza Raımbekova (Álem chempıonatynyń júldegeri, Azııa chempıony); Alıza Ernııazova (Álem chempıonatynyń júldegeri), Qundyz Esirkep (ashyq Eýropa kýbogynyń jeńimpazy, QR chempıony) qatysady.
Oıyndardy 2020 jylǵy 4 sáýir men 2 mamyr aralyǵyndaǵy ár senbi kúni saǵat 16:00-17:00-de iggamecenter.com saıtynan jáne toǵyzqumalaqtan Qazaqstan Respýblıkasynyń Bas jattyqtyrýshy - Serik Aqtaevtyń Instagram -daǵy @aktayevserik paraqshasynan tikeleı efırde kórýge bolady. Oıyndardy 2020 jylǵy 4 sáýir men 2 mamyr aralyǵyndaǵy ár senbi kúni
